​

Registrere seg som lisensjeger: Alle som vil jakte bjørn, jerv, ulv og gaupe må registrere seg som lisensjeger i jegerregisteret www.brreg.no/registrene/jeger/lisensfelling.html  

Gratis registrering må gjerast for kvar av dei rovviltartane ein ynskjer å jakte på i det enkelte jaktåret.

For å registrere seg som lisensjeger må ein:

• ha fylt 18 år
• ha betalt jegeravgift for vedkomande jaktår
• ha overholdt rapporteringsplikta ved tidlegare deltaking i lisensfelling av dei store rovdyra

Kvitteringa for registrering som lisensjeger skal takast med under felling / fellingsforsøk.
Lisensjegerar som jaktar med rifle skal ha dokumentasjon på gyldig skyteprøve.

Lisensjeger må forholde seg til vedtak og vilkår fatta av den regionale rovviltnemnda i den regionen lisensjakta skal finne sted. Alle som deltek pliktar å halde seg oppdatert om storleiken på kvota, gjenverande kvote og evt. andre begrensingar for jaktutøvinga.

Løyve frå grunneigar: For å jakte på bjørn, jerv, ulv og gaupe må ein ha løyve frå grunneigar. Ta gjerne kontakt med organiserte grunneigarlag / utmarkslag for å sjekke om desse gjev løyve til liesens- og kvotejakt. Om ikkje, må ein spørje kvar enkelt grunneigar.

Felt rovvilt: Felte dyr skal framvisast for Statens Naturoppsyn umiddelbart for kontroll, merking og prøvetaking. Felte dyr skal meldast straks til fylkesmannen og kommunen.

Forsøk på felling / ettersøk: Den som skadeskyt eller har forsøkt å felle / skyte på bjørn, jerv, ulv eller gaupe skal utan opphald underrette fylkesmannen og nermaste politimynde. Fylkesmannen avgjer vidare gjennomføring og avslutning av ettersøk. Den som har delteke i forsøket på felling, skal utan godtgjersle bistå forvaltningsmyndigheitene eller politimyndigheitene i det vidare ettersøket.

Brev frå rovviltnemnda om lisensjakt på jerv, ulv og kvotejakt på gaupe finn ein nedst på sida.

JERV 2014- 2015

• Roviltnemnda for region 1 (Vest-Agder. Rogaland, Hordaland og Sogn og Fjordane) har gjort vedtak om lisensfelling av 8 (utvida til 10) jerv i region 1. Kvota kan takast ut i heile regionen. Irregulær avgang eller skadefelling gjennomført etter nemda / DN sitt vedtak blir belasta kvota.
• Fellingsperioden er 10.09.2014 til 15.02.2015.
• Informasjon om kvote: tlf. 51 56 89 00. Jeger plikta til å halde seg orientertert om kvote som er att
• Hagle og rifle er tillate ved lisensfelling av jerv. Sjå elles viltlova sine bestemmelsar for mellom anna utøving jakt, felling og fangst  (forskrift av 22.03.2002, sist endra 16.05.2012).
• Høve til å bruke bås til fangst av jerv ved løyve etter søknad til fylkesmannen.
• Ikkje høve til å nytte snøskuter
• Fylkesmennene administrerar lisensfellinga.
• Våpen og ammunisjon: Ved felling av gaupe og jerv med rifle skal det nyttast ekspanderande prosjektil og anslagsenergien skal vere minst 980 joule (100 kgm) målt på 100 meters avstand, E 100. Gaupe og jerv kan lovlig felles med hagle.

GAUPE 2015

Det er kvotejakt på gaupe, det vil seie ordinær jakt på eit bestemt antal individ, der kvota er sett av offentlege myndigheiter, i dette tilfellet rovviltnemnda. I Sogn og Fjordane og resten av region 1 er det kvotefri jakt på gaupe, ein kan felle så mange ein vil/ klarar.

• Jakttida på gaupe er 1. februar til og med 31. mars.
• På statsgrunn må ein ha eit gyldig jaktkort for anten småviltjakt eller storviltjakt.
• Både jakt og fangst av gaupe er lovleg, sjå forskrift for utøving av jakt, felling og fangst.
• Fangst av gaupe skal utøvast etisk forsvarleg og i samsvar med reglane for bruk av fangstreiskap. Bruk av fangstreiskap krev godkjenning frå fylkesmannen
• Våpen og ammunisjon: Ved felling av gaupe og jerv med rifle skal det nyttast ekspanderande prosjektil og anslagsenergien skal vere minst 980 joule (100 kgm) målt på 100 meters avstand, E 100. Gaupe og jerv kan lovlig felles med hagle.
  
  
  

ULV 2014-2015

• Rovviltnemnda i region 1 opnar for lisensfelling av 1 (utvida til 2) ulv i heile Region 1
• Jakttid: 01.10.2014 - 31.03.2015
• Eventuelt uttak på skadefellingskvote blir trukke frå lisensfellingskvoten.
• Det er ikkje høve til å nytte snøskuter
• Våpen og ammunisjon: Kun rifle, ekspanderande  prosjekt med minimumsvekt 9 gram. For ammunisjon med kulevekt på 10 gram eller meir, skal anslagsenergien vere minst 2200 joule (225 kgm) målt på 100 meters avstand, E 100. Brukast halvautomatisk rifle er det ikkje tillatte å bruke meir enn to skot i magasinet og eitt i kammeret.
• Fylkesmennene administrerer lisensfellinga. 
  
   

 

• Forskrift om utøvelse av jakt, felling og fangst
• Jegerregisteret
• Rovviltportalen
• Skandulvs nettsider
• NINA rapport rovviltkonflikter