Fiskesommar- arrangementet på Tunga Villmarksleir vart ein suksess!

Det vart grilling, fiske, og mykje bading på Tunga Villmarksleir i helga! Bettet var ikkje på topp denne gongen, men det vart nokre aure på snik og oter, som dei heldige grilla med smør og salt til kveldsmat. Til lunsj vart det servert grillpølser, med marshmallows og kanelsnurrar til dessert. Med andre ord var energinivået på topp heile dagen! 

Me var ein god gjeng som overnatta på leiren, og kvelden gjekk til båling, musikk og nattbading. Tusentakk til dei som møtte opp for eit triveleg arrangement, og takk til Tustna Idrettslag for leige av den fine leiren.