Prosjektleiar tilsett

Are Gunnar Korsvoll startar i stillinga som prosjektleiar for Friluftsliv for barn og unge 1. mars. Stillinga er 50% og Are som sjølv er glad i friluftsliv, gler seg til å ta fatt. 

Kva er Friluftsliv for barn og unge?

Friviljuge organisasjonar i Sogn og Fjordane går saman om å tilby barn og unge ulike fritidsaktivitetar - gratis!

 

BAKGRUNN/FAKTA:

• Initiativtakar til prosjektet er organisasjonsutviklar Bjarne Huseklepp, Norges Jeger- og Fiskerforbund (NJFF) Sogn og Fjordane  
• NJFF vedtok å satse på prosjektet på Landsmøtet i 2021
• Fleire friviljuge organisasjonar har slutta seg til prosjektet – oppstart  i 2023
• Idrett- og andre kulturelle aktivitetar har i dag godt organiserte tilbod med regelmessig aktivitet gjennom året. Friluftsliv er ikkje så godt organisert
• Jakt, fiske og friluftsliv er kunnskapsbasert
• Vi må bruke den kunnskapen som vi veit fungerer,  for å skape varige friluftsinteresser og gode meistringsopplevingar ute
• Vi må tilpasse aktiviteten til lokale forhold

• Barn lærer gjennom aktivitetar og opplevingar dei deltek i. Tidleg introduksjon til gode friluftsopplevingar er viktig
• For å skape varige interesser, er gjentaking av gode opplevingar nøkkelen
• Vi må tilpasse aktiviteten til lokale forhold

 

VISJON:

• Barn og unge skal ha tilgang til gode og varierte friluftslivsopplevingar i alle kommunar

 

MÅL:

• Kort sikt (2023):    Realisere prosjektet i dei fire pilotkommunane

• Mellomlang sikt (2023-2025):  Introdusere/realisere prosjektet i alle kommunar   i Sogn og Fjordane
• Lang sikt (2024 – 2029):  Realisere prosjektet i heile landet 

 

MÅLSETTING:

• Barn og unge skal få gode og allsidige erfaringar ved å delta på fleire og meir varierte aktivitetar, i kvar kommune. Ein skal tilby eit tilbod med kvalitet, og som er berekraftig og som har god kvalitet
• Regelmessige aktivitetar over tid, med ein aktivitetskalender i kvar kommune
• Det enkelte lokallaget treng ikkje tilby fleire aktivitetar enn før oppstarten, men samarbeide med andre lokale organisasjonar om ein felles aktivitetsplan for friluftsliv
• Fokus på inkludering og integrering av nye innbyggarar
• Gratisprinsippet skal gjelde
• Folkehelseeffekt. Sunne interesser varer heile livet
• Lang sikt: Få fleire kommunar med. Kan kommunane overta koordineringsarbeidet?

 

ORGANISASJONAR SOM ER MED I PROSJEKTET SÅ LANGT:

• Forum for Natur og Friluftsliv (FNF)
• Den Norske Turistforening
• 4 H
• KFUK-KFUM
• Fjordane Friluftsråd
• Naturvernforbundet
• Norges Bondelag
• Norges Jeger og Fiskerforbund (NJFF)

• Når organisasjonane samarbeider, kan dei tilby fleire aktivitetar til unge utan at det vert meir arbeid på det enkelte lag
• Ingen verving, oppleving og læring er målet

 

VI SKAL EIGE PROSJEKTET SAMAN:

• Utarbeide felles årsplan/aktivitetsplan lokalt
• Prosjektleiarstillinga: Samordningsfunksjonen er viktig – Kommunalt kulturkontor/FNF på sikt?
• Friluftsliv for barn og unge vil alltid ha: Neste gong skal vi……
• Første driftsår: 2023
• Bruke Facebook til info og påmelding i 2023
• Gratisprinsippet – Prosjektet yter støtte til kvar aktivitet
• Vi må våge å tenke nytt undervegs og evaluere det vi gjere